Krosslímt timbur

Krosslímt timbur (KLT, CLT, cross laminated timber) er vistvænt byggingarefni sem opnar frábæra möguleika fyrir húsbyggjendur.Krosslímt timbur (KLT, CLT, cross laminated timber) er vistvænt byggingarefni sem opnar frábæra möguleika fyrir húsbyggjendur.

Það er framleitt í plötum úr timburlögum sem eru límd saman hvert þvert á annað undir miklum þrýstingi. Þannig fæst byggingarefni með hátt burðarþol sem nýtist í burðarvirki bygginga, í loft, þök og veggi. Krosslímdar timbureiningar frá KLH eru sérframleiddar fyrir hvert verkefni með tímastilltri afhendingu (e. just in time).

Einingarnar koma tilsniðnar á byggingarstað með hífingarlykkjum og tilbúnar til uppsetningar. Hægt er að fá þær með álímdum öndunardúk frá verksmiðju. Öndunardúkurinn ver timbrið meðan á uppsetningu stendur og getur, með réttum frágangi, vegið þungt í að loftþétta bygginguna. Eftir uppsetningu eru einingar í útveggjum einangraðar að utan og klæddar. Einingar í innveggjum og loftum eru annaðhvort klæddar, t.d. með gipsplötum, eða ysta lag þeirra látið halda sér.